Skartgripanámskeið - Mótaðu þitt eigið skart (21.júní’25 15:30-18:00)

30.000 kr

Dagsetning: Laugardagur 21.júní 2025
Staðsetning: Baldursgata 36, 101 RVK
Lengd námskeiðs: 15:30-18:00 (sumir búnir fyrr eða geta verið til 19:00)
Verð: 30.000kr
Innifalið: Verkfæri og efniviður til að móta þitt fullkomna skart, drykkir & smá góðgæti. Einn silfur gripur (hringur, men eða eyrnalokkar) sem verður sendur með Dropp gjaldlaust eða sótt 3-8 vikum eftir námskeiðið.
Tungumál: Íslenska, Enska
Getustig: Byrjendur og lengra komna.
Á hverju námskeiði komast 11 að.

Á þessu námskeiði ert þú listamaðurinn þar sem þú mótar þinn eigin hring eða hálsmen með vaxi. Við fylgjum aðferð sem kallast "Lost Wax Casting" eða vaxmótum. Vaxið er ekki eins og venjulegt kertavax, heldur sérhannað fyrir vaxmótun. Aðferðin er þúsund alda gömul, í nútímavæddum búningi. Eftir námskeiðið tekur Lilja gripinn og býr til steypumót og hellir bræddu 925 silfri ofan í mótið. Steypuferlið tekur tvo daga, eftir það slípar Lilja gripinn og pússar upp. Við bjóðum einnig upp á að gullhúða gripinn með 18 karata gullhúðun. Gjald fyrir gullhúðun er 5000 kr.

Innifalið í námskeiðinu er 925 silfurskartgripur sem þú mótar með vaxaðferðinni. Allur búnaður er á staðnum. Þú munt læra og fá innsýn inn í hvernig skartgripir eru búnir til. Þetta getur líka verið einstakt tækifæri til að búa til skartgrip fyrir einhvern sem þér þykir vænt um. Hægt er til dæmis að stimpla fingrafarið sitt á gripinn. Námskeiðið er í tvær klukkustundir, staðsett á Baldursgötu 36, 101 RVK í verslun Lilju Björk Jewellery. Gripinn færðu afhendan 3-8 vikum eftir námskeiðið. Bæði hægt að sækja eða fá sent með Dropp gjaldlaust.

Athugið að í þessu námskeiði verða oftast til óreglulegir skartgripir með náttúrulegu formi. Ef þú vilt búa til stílhreinan hring eða hálsmen þá mæli ég ekki með þessu námskeiði. Afbókanir á námskeið þurfa að berast innan 48 tíma. Það getur komið fyrir að steypan misheppnist, ef það gerist færðu að velja á milli þess að taka aftur þátt í námskeiðinu eða fá heimakitt þar sem þú færð öll verkfæri og þinn tíma.

UM LILJU BJÖRK

Lilja Björk lærði í Kaupmannahöfn í skólanum København Erhvervsakademi (KEA). Hún útskrifaðist með BA iðngráðu í skartgripahönnun, viðskiptafræði og tækni (Jewellery design, Business and Technology). Í skólanum var kennt allt frá því að smíða skartgripi, 3D teiknun, hönnun og viðskiptafræði. Lost Wax Casting / Vaxmótun var stór hluti af náminu. Eftir námið fór Lilja í fæðingarorlof og flutti heim, var á krossgötum í lífinu sem einstæð móðir. Hún fékk óvænt verkefni að 3D teikna Bleiku Slaufuna sem kom út 2023. Á þessum krossgötum ákvað Lilja að elta draumana og stofna sitt eigið fyrirtæki, Lilja Björk Jewellery í nóvember 2023. Síðan þá hefur hún verið að byggja það upp og fjárfesti í steyputækjum til að minnka fótspor fyrirtækisins og vera umhverfisvænni en allir skartgripirnir eru smíðaðir á Íslandi með 925 endurunnu silfri. Eftir að hafa byrjað vinnustofuna sína í bílskúrn í Árbæ, hefur hún fært sig á Baldursgötu 36, þar sem er einnig verslun og heldur hún námskeiðin sínn Mótaðu þitt eigið skart. Hún býður einnig upp á að endurnýja gamalt skart og gefa því nýtt líf með 18 karata gullhúðun.

Ticket Type:

21.júní kl.15:30-18:00

Variant

Skartgripanámskeið - Mótaðu þitt eigið skart (21.júní’25 15:30-18:00)

30.000 kr

Featured product

Gift

Heimakitt gjafabréf

30.000 kr

Hægt er að sækja/fá sent útprentað eða við sendum það með tölvupósti. Gjafabréfið er sent eftir að við móttökum pöntunina.

Innifalið:

Í heimakittinu færðu allt sem þarf til þess að móta skart með vaxmótun. Einnig fylgir með kennslumyndband og leiðbendingar. Kosturinn við heimakittið er að þú getur tekið þinn tíma í að móta þitt skart og æft þig. Það er hægt að hafa líka samband við Lilju ef það vantar einhverja auka aðstoð eða spurningar.
ATH að öll verkfærin sem fylgja með eru aðeins í láni og þarf að skila tilbaka.